నువ్వు చేసింది మానే గాయం కాదు...!

నన్ను నీలో చూసుకుని
నమ్మకంగా అడుగేశా..

నీ మనసుతో పెనవేసుకుని

నన్ను నీకు వదిలేశా.....
ఆశలెన్నో రేపావే...నా శ్వాసే నువ్వంటూ..

బాసలెన్నో చేశావే...ఈ జన్మే నీదంటూ....

కడదాక వీడనని..కనుమరుగై పోను అని
నువ్విచ్చిన మాట నా బ్రతుకున 
తీపి నింపుతుందనుకున్నా.....
శూన్యాన్ని నింపిందని తెలుసుకుని
నీరసించి నిలుచున్నా......

తడి ఆరాక... కనుమూద్దామనుకుంటే,
మదిలో నీ తలపుల సడి ఆగదే.....
మరమనిషిలా సాగిస్తున్న 
ఈ ప్రయాణం ముగిద్దామనుకుంటే,
మరుజన్మలోనైనా నువ్ జతపడగలవని
మనసు ఏ మాత్రం నమ్మదే?

అంటే...
నువ్ చేసిన గాయం తీవ్రత తెలుస్తోందా?

-శతఘ్ని..!!