బ్రతుకంతా బలపరీక్షలే...!!

ఊపిరి పోసే ఊహలే
కమ్మని కలలై కళ్ళల్లో మెరుస్తాయి ...

ఉరితీయబడ్డ ఊహల ఆక్రందనలే
ఉబికి వచ్చే కన్నీరై ఉసూరుమనిపిస్తాయి ..

బ్రతుకంతా బల పరీక్షలే 
పొందడానికి- పోగొట్టుకోకుండా ఉండటానికి మధ్య

గిర్రున తిరిగే కాలమెపుడూ నిన్ను
గిరాటు వేస్తూనే ఉంటుంది
గాయాల గతంలోకి
జ్ఞాపకాల కొలిమిలోకి .

కానీ ,
వేలు పట్టుకుని నడపడానికి
ఒక వెలుగు రేఖ ఎప్పటికీ సిద్ధంగానే ఉంటుంది

నీ కళ్ళకి ఉన్న చీ "కట్లని "
విప్పడానికి నువ్వు సిద్ధమేనా మరి?

-శతఘ్ని ....!!